കേരള സർക്കാർ ജീവനക്കാരുടെ യാത്ര ബത്ത പരിധി (Ceiling )
(G.O.(P)No.137/2016/Fin)
പത്താം ശമ്പള പരിഷ്കരണത്തിന്റെ അടിസ്ഥാനത്തിൽ ഡി.എ (DA), ഇൻസിഡന്റൽ നിരക്കുകൾ, മൈലേജ് അലവൻസ് തുടങ്ങിയവ പുതുക്കിയിരുന്നു. എന്നാൽ പ്രതിമാസ/ത്രൈമാസ ടി.എ പരിധി അതിൽ പുതുക്കിയിരുന്നില്ല. ആയത് പരിഗണിച്ചാണ് ഔദ്യോഗിക യാത്രകൾക്കുള്ള ടി.എ പരിധി പുതുക്കിക്കൊണ്ട് സർക്കാർ ഈ ഉത്തരവ് പുറപ്പെടുവിച്ചിരിക്കുന്നത്. (പതിനൊന്നാം ശമ്പള പരിഷ്കരണ ഉത്തരവ് ഇറങ്ങിയപ്പോൾ ഈ ഉത്തരവ് പരിഷ്കരിച്ചില്ല ഇപ്പോഴും 2016 ലെ ഉത്തരവ് പ്രകാരമാണ് സീലിങ് )ഉദ്യോഗസ്ഥരുടെ ഗ്രേഡും അടിസ്ഥാന ശമ്പളവുംപുതുക്കിയ ടി.എ പരിധി നിർണ്ണയിക്കുന്നതിനായി ഉദ്യോഗസ്ഥരെ അവരുടെ യഥാർത്ഥ ശമ്പളത്തിന്റെ (Actual Pay) അടിസ്ഥാനത്തിൽ അഞ്ചായി തരംതിരിച്ചിരിക്കുന്നു:
ഗ്രേഡ് I ഉദ്യോഗസ്ഥർ:70000 രൂപയോ അതിനു മുകളിലോ ശമ്പളമുള്ളവർ.ഗ്രേഡ് II(a) ഉദ്യോഗസ്ഥർ:59300 - 70000 ൽ താഴെ അടിസ്ഥാന ശമ്പളമുള്ളവർ.ഗ്രേഡ് II(b) ഉദ്യോഗസ്ഥർ: 39300- 59300 ൽ താഴെ അടിസ്ഥാന ശമ്പളമുള്ളവർ.ഗ്രേഡ് lll ഉദ്യോഗസ്ഥർ : 25100- 39300 ൽ താഴെ അടിസ്ഥാന ശമ്പളമുള്ളവർ ഗ്രേഡ് lV ഉദ്യോഗസ്ഥർ : 25100 ൽ താഴെ അടിസ്ഥാന ശമ്പളമുള്ളവർ ഗ്രേഡ് III, ഗ്രേഡ് IV ഉദ്യോഗസ്ഥരുടെ ടി.എ ക്ലെയിം, അവരുടെ അധികാരപരിധി അനുസരിച്ച് ഗ്രേഡ് II(b) ഉദ്യോഗസ്ഥർക്ക് അനുവദിച്ചിട്ടുള്ള പരിധിയിൽ കൂടാൻ പാടില്ല.ഈ ഗ്രേഡുകളും അവരുടെ അധികാരപരിധിയും (സംസ്ഥാന തലം, റീജിയണൽ, ജില്ല, സബ്-ജില്ല എന്നിങ്ങനെ) അടിസ്ഥാനമാക്കിയാണ് പ്രതിമാസ, ത്രൈമാസ ടി.എ പരിധികൾ നിശ്ചയിച്ചിരിക്കുന്നത്
പ്രധാന വ്യവസ്ഥകളും നിബന്ധനകളുംസബ് റവന്യൂ ജില്ലാ പരിധിയുള്ള ഉദ്യോഗസ്ഥർ സ്വന്തം അധികാരപരിധിക്ക് പുറത്തും എന്നാൽ ജില്ലയ്ക്കകത്തും നടത്തുന്ന യാത്രകൾക്ക് പ്രത്യേക പരിധി ബാധകമാണ്. ഇവർക്ക് ഒരു റവന്യൂ ജില്ലയുടെ ചുമതലയുള്ള ഉദ്യോഗസ്ഥന്റെ ഗ്രേഡിന് തുല്യമായ ടി.എ പരിധിയായിരിക്കും ലഭിക്കുക.സംസ്ഥാനത്തിനകത്ത് സ്വന്തം അധികാരപരിധിക്ക് പുറത്ത് യാത്ര ചെയ്യുന്ന റീജിയണൽ, ജില്ലാ, സബ് ജില്ലാ ഉദ്യോഗസ്ഥർക്ക് സംസ്ഥാന തല ഉദ്യോഗസ്ഥരുടെ ടി.എ പരിധിയായിരിക്കും ബാധകമാവുക.യോഗ്യരായ അധികാരികളുടെ (Competent Authority) മുൻകൂർ അനുമതിയോടെ സംസ്ഥാനത്തിന് പുറത്ത് നടത്തുന്ന യാത്രകളെ ടി.എ പരിധിയിൽ (TA Ceiling) നിന്ന് ഒഴിവാക്കിയിട്ടുണ്ട്.പ്രതിമാസ പരിധി പരമാവധി 20% വരെ വർദ്ധിപ്പിക്കാൻ അനുമതിയുണ്ട്. എന്നാൽ ഈ വർദ്ധനവ് ആ പാദത്തിലെ (quarter) മൊത്തം പരിധിക്കുള്ളിൽ ക്രമീകരിക്കേണ്ടതാണ്.ത്രൈമാസ (Quarterly) പരിധി യാതൊരു കാരണവശാലും മറികടക്കാൻ പാടില്ല.സർക്കാർ വാഹനങ്ങളിൽ യാത്ര ചെയ്യുന്ന ഉദ്യോഗസ്ഥരുടെ അധികാരപരിധിക്കുള്ളിലെ മൊത്തം ക്ലെയിമുകൾ (ടി.എ, ഡി.എ ഉൾപ്പെടെ) അവർക്ക് അനുവദിച്ചിട്ടുള്ള പ്രതിമാസ/ത്രൈമാസ ടി.എ പരിധിയുടെ 50 ശതമാനത്തിൽ കൂടാൻ പാടില്ല. ഡിപ്പാർട്ട്മെന്റ് വാഹനങ്ങളിലെ ഡ്രൈവർമാർക്ക് ഈ 50 ശതമാനം വെട്ടിച്ചുരുക്കൽ നിബന്ധന ബാധകമല്ല.ടി.എ പരിധി ലംഘിച്ചിട്ടില്ലെന്ന് ബിൽ പാസാക്കുന്ന ഉദ്യോഗസ്ഥർ (Drawing and Disbursing Officers) ടി.എ ബില്ലിൽ സാക്ഷ്യപ്പെടുത്തേണ്ടതുണ്ട്.
No comments:
Post a Comment